Hátíð í tilefni af 30 ára tangódansafmæli Bryndísar og Hany, 2.–4. október 2026

Hátíðin Lífið er tangó er haldin til að fagna 30 árum af dansi og tónlist – ástríðu sem varð að atvinnu Bryndísar og Hany og hefur mótað líf þeirra sem og ótal annarra listamanna um allan heim. Af því tilefni verður efnt til þriggja daga hátíðar þar sem dans, tónlist og samvera þeirra sem elska tangó eru í forgrunni.

Á dagskránni verða tvö þriggja daga námskeið fyrir nýja og reynda dansara, milonga á föstudagskvöldi og hátíðarkvöld á laugardegi með uppákomum, tangósýningum og tango-DJ sem spilar fram á nótt.

Sérstakir gestir eru dansararnir Sabrina Veliz og Alejandro Lencina frá Buenos Aires, sem sem eru alþjóðlega viðurkennd sem dansarar og kennarar í fremsta flokki. Sabrina og Alejandro munu kenna á námskeiðum hátíðarinnar og sýna á hátíðarkvöldinu ásamt Bryndísi og Hany.

Við ljúkum hátíðinni með kveðjumilongu eftir tímana í Kramhúsinu á sunnudaginn kl. 16:15–18:00. Þá gefst tími fyrir síðustu töndurnar, hlý faðmlög og spjall. Kramber Café verður opið í anddyri Kramhússins.

Tangóhátíðin „Lífið er tangó“ er haldin í samstarfi við Tangófélagið.

Verkefnið er styrkt af menningar,- nýsköpunar- og háskólaráðuneytinu